Падчас пажару ў пяціпавярховіку ў Навагрудку эвакуявалі 19 чалавек

Падчас пажару ў пяціпавярховіку ў Навагрудку эвакуявалі 19 чалавек. Як інфармуе прэс-служба МНС Гродзенскай вобласці, узгаранне ўзнікла раніцай 10 красавіка ў кватэры на трэцім паверсе, у якой не было гаспадароў. У пад’ездзе было шчыльнае задымленне.

З трэцяга і чацвёртага паверхаў ратавальнікі вывелі чатырох чалавек, выкарыстоўваліся спецыяльныя маскі. Таксама з пад’езда эвакуявалі 15 чалавек, а сярод іх адно дзіця. Ніхто не пацярпеў.

Мяркуецца, што ўзгаранне адбылося з-за кароткага замыкання электраправодкі пральнай машыны.