Палітвязню-філосафу Уладзіміру Мацкевічу зрабілі аперацыю
Уладзімір Мацкевіч / Еўрарадыё
Палітзняволены філосаф Уладзімір Мацкевіч трапіў у шпіталь. Днямі яму зрабілі аперацыю.
— Стала вядома, што Уладзімір Мацкевіч знаходзіцца ў Рэспубліканскай лякарні (Калядзічы). Яму зрабілі планавую аперацыю, аднаўленчы перыяд працягнецца мінімум да канца гэтага тыдня, — гаворыцца на яго старонцы ў Facebook.
Уладзімір Мацкевіч — беларускі філосаф і метадолаг. Са жніўня 2021 ён знаходзіцца ў зняволенні. Мацкевіч быў прысуджаны да пяці гадоў калоніі ўзмоцненага рэжыму. Праваабаронцы прызналі яго палітвязнем.
14 траўня 2023 года Мацкевічу споўнілася 67 гадоў.
