Палякі зарэгістравалі 682 спробы нелегальнай міграцыі за чацвер
Сітуацыя на польска-беларускай мяжы застаецца трывожнай / twitter.com/straz_graniczna
За чацвер, 14 кастрычніка, польскія памежнікі спынілі 682 спробы нелегальна перасекчы мяжу з тэрыторыі Беларусі, паведамляе прэс-служба Польскага ведамства.
Былі затрыманыя восем нелегальных мігрантаў — усе з Ірака.
Таксама за дапамогу нелегальным мігрантам затрыманыя 11 замежнікаў. Гэта грамадзяне Ірака, Германіі, Украіны, Грузіі, Беларусі і Польшчы.
Як паведамляла Еўрарадыё, польскі Сейм ухваліў законапраект, паводле якога нелегальных мігрантаў, затрыманых пры перасячэнні мяжы, будуць высылаць з Польшчы. Ім таксама можа быць забаронены ўезд у краіну на тэрмін ад шасці месяцаў да трох гадоў.
