Памерла жанчына, якой упершыню ў Беларусі перасадзілі сэрца
Першая ў Беларусі аперацыя па перасадцы донарскага сэрца адбылася ў 2009 годзе.
Пра смерць Наталлі Радкевіч інфармуе БелаПАН са спасылкай на Рэспубліканскі навукова-практычны цэнтр "Кардыялогія".
Радкевіч пакутавала на цяжкае захворванне — дылатацыйную кардыяміяпатыю. На момант перасадкі жанчыне было 36 гадоў, яна выхоўвала двух сыноў, малодшаму з якіх было паўгода. Сям'я Радкевічаў адчувала матэрыяльныя цяжкасці і звярталася да людзей па дапамогу праз СМІ.
У першай аперацыі па перасадцы сэрца, якая доўжылася больш за пяць гадзін, прымалі ўдзел 20 спецыялістаў РНПЦ "Кардыялогія". Агулам у 2009 годзе было праведзена 11 трансплантацый сэрца.
Фота — respublica.by
