Памежнікі Беларусі адказалі на абвінавачванні Літвы аб пропуску нелегалаў
Беларускія памежнікі адрэагавалі на заявы Літвы пра тое, што Беларусь нібыта хавае сляды незаконнай міграцыі.
"Інтэрпрэтацыя працэсаў, якія адбываюцца на мяжы, у падобным ключы з літоўскага боку цалкам чаканая з улікам зусім не добрасуседскай пазіцыі, якую займае апошнім часам Літва", — заявіў у каментары "Спутнику" афіцыйны прадстаўнік Дзяржаўнага памежнага камітэта Антон Бычкоўскі.
Па яго словах, наша краіна прымае ўсе меры для надзейнай аховы мяжы.
Напярэдадні у Літве заявілі, што беларускія памежнікі хаваюць сляды нелегальнай міграцыі. Пры гэтым было апублікаванае відэа, дзе бачна, што памежнікі робяць нейкія маніпуляцыі. Таксама ў Літве заяўляюць, быццам у параўнанні з 2020 годам плынь нелегальных мігрантаў з Беларусі вырасла ўдвая.
