Партыя БНФ: нельга дапусціць новай "жалезнай заслоны" вакол Беларусі
Абвешчаныя беларускім МЗС прыпыненне ўдзелу Беларусі ў праграме "Усходняе партнёрства", прапанова пра выезд з Беларусі кіраўніка дэлегацыі Еўрасаюза, а таксама пагроза перагледзець супрацу Беларусі з міжнароднай супольнасцю ў сферы барацьбы з нелегальнай міграцыяй — крокі, якія дэманструюць неразуменне беларускімі ўладамі сапраўдных прычын палітычнага крызысу, у які цяпер уцягнутая Беларусь. Так лічаць у Партыі БНФ, якая асуджае "штучную ізаляцыю краіны ад Еўропы і ад сусветнай супольнасці".
