Прадпрымальнікі закрываюць бізнэсы ў Беларусі: "дурняў становіцца ўсё менш"

У першым квартале Беларусь пазбавілася 2155 прадпрымальнікаў, паведамляюць "Нашы грошы" са спасылкай на звесткі падатковай.

— На першае красавіка 2022 года ў краіне засталося 270 965 прадпрымальнікаў. Страты пакуль невялікія, але тэндэнцыя да падзення відавочна намецілася, — адзначаюць аналітыкі.

Больш за ўсё зачыняюцца ў Мінску — 1715 прадпрымальнікаў за квартал. Людзі вымушаныя згортваць дзейнасць праз пагаршэнне падатковых умоў. Карыстацца спрошчанай сістэмай падаткаабкладання, якая дазваляе плаціць менш падаткаў, большасці ІП ужо нельга.

З прадпрымальнікамі заігрываюць, але яны больш не вераць

Пры гэтым працуючых людзей у Беларусі стала на 88,7 тыс чалавек менш за апошнія два гады. З'ехаць на заробкі ўсё больш складана з-за санкцый і таго, што ў Расіі работы становіцца менш.

— Беспрацоўныя маглі або наняцца да прадпрымальніка, або арганізаваць сваё ІП. Але і ў гэтым сектары занятых, як мы бачым, становіцца ўсё менш. Куды ж сыходзіць уся гэтая незадзейнічаная рабочая сіла? Магчыма, яна актыўна пачынае папаўняць ценявую зону эканомікі-тую яе частку, дзе не плацяцца падаткі. Працуюць з-пад падлогі з усімі вынікаючымі наступствамі. Сістэма адносін паміж дробным прыватным бізнесам і дзяржавай вяртаецца да таго, з чаго пачыналася: усё можа скончыцца "чоўнамі" — нелегаламі і гандлем з-пад падлогі, — лічаць "Нашы грошы".