Прадстаўнік УСУ патлумачыў, адкуль пайшлі чуткі пра "запуск ракет з Беларусі"
Юрый Ігнат / Юрий Игнат / ukrinform.ua
Прадстаўнік паветраных сіл Украіны Юрый Ігнат абверг запуск ракет з Беларусі, пра які паведамлялі 5 жніўня некаторыя СМІ.
Па словах Юрыя Ігната, ракета была выпушчаная з тэрыторыі Расіі ў раёне Тамбова, але падчас палёту закранула паветраную прастору Беларусі.
"Калі ракета ляціць з Тамбова і закранае паветраную прастору Беларусі... Адпаведна, з'яўляецца дзесьці там над Беларуссю і ляціць у кірунку Хмяльніцкай вобласці. Адпаведна, і ляціць "Кінжал" з напрамку Беларусі. Вось і ўсё, і не трэба маніпуляваць у загалоўку, што ляцяць ракеты з Беларусі", — заявіў прадстаўнік УСУ.
Па яго словах, нічога новага ў гэтым няма: Расія даўно выкарыстоўвае паветраную прастору Беларусі.
Дарэчы, 6 жніўня полк Каліноўскага таксама абверг звесткі пра запуск ракет з тэрыторыі Беларусі.
