Сакратар ЦВК расказаў, чаму не ведае "свайго" дэпутата ў гарсавеце

У ім сакратар Цэнтравыбаркаму заявіў, што не ведае імя "свайго" дэпутата ў Мінскім гарсавеце. На думку чыноўніка, гэта сведчыць пра добрую працу дэпутата.

"Пра сябе сумленна магу сказаць: асабіста я не знаёмы з дэпутатам па сваёй акрузе ў Мінскім гарадскім Савеце. Але не думаю, што гэта дрэнна. Мая "незацікаўленасць" у ім азначае, што дэпутат разам з камандай своечасова і якасна вырашаюць пытанні, якія ўваходзяць у іх кампетэнцыю, забяспечваючы бесперабойную дзейнасць гарадскіх службаў, у тым ліку ЖКГ, транспарту, аховы здароўя і г.д. У гэтым выпадку ў выбарца проста няма падставы цікавіцца яго персонай і шукаць з ім асабістай сустрэчы", — патлумачыў Лазавік.