“Што з ім зробіцца”: мужчына, які скокнуў з моста ў Полацку, выжыў і маўчыць

41-гадовы жыхар Полацка, які скокнуў з моста ў Заходнюю Дзвіну, выжыў і знаходзіцца ў рэанімацыі ў Полацкай цэнтральнай гарадской бальніцы.

“Жывы, што з ім зробіцца”, — распавялі Еўрарадыё ў лякарні.

Што штурхнула мужчыну на тое, каб звесці рахункі з жыццём? Дактарам ён пра гэта не кажа.

“Знаходзіцца ў прытомнасці, жывы, здаровы. Паедзе ў псіхбальніцу. Чаму ён так зрабіў? Не тлумачыць. Маўчыць”, — дадалі ў цэнтральнай бальніцы Полацка.  

Здарэнне адбылося ўвечары 8 кастрычніка. Мужчына вырашыў скончыць жыццё самагубствам і скокнуў у раку з аўтамабільнага моста, які з учарашняга дня закрыты на рамонт. 

Палачанін атрымаў удар грудной клеткі, яго шпіталізавалі. Вядома, што ён быў нападпітку.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.