Швецыя ўнясе больш за 400 тысяч еўра ў фонд дапамогі беларускім палітвязням

Швецыя ўнясе 5 мільёнаў шведскіх крон (каля 430 тысяч еўра) у Міжнародны гуманітарны фонд для ахвяр рэпрэсій у Беларусі. Пра гэта на Стакгольмскай канферэнцыі заявіў міністр міжнароднага супрацоўніцтва і развіцця Ёхан Форсель, піша "Парламенцкі канал".

У сваім выступе ён назваў прыярытэтам шведскай палітыкі ў адносінах з Беларуссю паглыбленне дыялогу з беларускімі дэмакратычнымі сіламі пад кіраўніцтвам Святланы Ціханоўскай. "Важна, каб знешні свет не забываў тых, хто змагаецца за свабодную, дэмакратычную і незалежную Беларусь", — цытуе яго заяву прэс-служба МЗС Швецыі.

Канферэнцыя праводзіцца 21 траўня, у Дзень салідарнасці з беларускімі палітвязнямі.

Міжнародны гуманітарны фонд у падтрымку беларускіх палітвязняў быў створаны напрыканцы красавіка 2024 года. Першы ўнёсак у фонд зрабіла Наврегія — 10 мільёнаў нарвежскіх крон (больш за 900 тысяч долараў).