Сіноптыкі: У сераду ўдзень у Беларусі чакаецца ад 0 да 6 марозу
У начныя гадзіны захаваецца марознае надвор'е — 8-14 градусаў ніжэй за нуль, на ўсходзе краіны — да 20 марозу.
5 лютага пераважна без ападкаў. Вецер паўднёвы, 4-9 метраў за секунду.
У наступныя дні будзе адбывацца паступовае пацяпленне. Напрыклад, у пятніцу ўначы тэмпература паветра складзе 3-9 градусаў марозу (на Брэстчыне — ад 0 да 2 марозу), удзень — ад 3 градусаў цяпла ў Брэсцкай вобласці да 3 градусаў ніжэй за нуль на Віцебшчыне. А вось у нядзелю, 9 лютага, у дзённыя гадзіны прагназуецца да 4 цяпла.
Фота — БЕЛТА
