Скандальная фотасесія дзяўчыны ў трусіках на плошчы Перамогі цалкам (фота)
Еўрарадыё адшукала астатнія здымкі са скандальнай фотасесіі каля манумента на плошчы Перамогі ў Мінску. Здымкі рабіліся ўлетку і за тры месяцы набралі ў сацсетках усяго некалькі лайкаў. Але пасля адзін з іх апублікаваў на сваёй старонцы ў Facebook прэс-сакратар мінскай міліцыі Аляскандр Ластоўскі: маўляў, нехта паскардзіўся. І панеслася!
Дзячыну клічуць Віялета. Мяркуючы па яе сацсетках, яна даўно ўдзельнічае ў шматлікіх фотасесіях і працуе з рознымі фатографамі. Таксама дзяўчына здымалася ў кліпе "Ляпіса Трубяцкога" “Воіны Святла”.
Пасля публікацыі Аляксандра Ластоўскага ў інтэрнэце завіравалі жарсці. Адны прапаноўвалі “зразумець і дараваць”, іншыя — “знайсці і пакараць”. Дарэчы, прэс-сакрата мінскай міліцыі ўжо прыбраў правакацыйнае фота са сваёй старонкі. Ці будзе міліцыя шукаць дзяўчыну і караць яе за здымак — Ластоўскі не ўдакладніў.
