Статкевіч і Някляеў — на волі
З Цэнтра ізаляцыі правапарушальнікаў на Акрэсціна вызвалілі актывістаў апазіцыі Уладзіміра Някляева, Міколу Статкевіча, Леаніда Кулакова, піша nn.by. Раней з'явілася інфармацыя, што вызваленыя таксама Яўген Афганель, Максім Вінярскі, Вячаслаў Сіўчык.
Усе, акрамя Статкевіча, былі затрыманыя 21 і 23 сакавіка. Статкевіча затрымалі сёння.
Большасць з іх былі прыхільнікамі шэсця ад плошчы Якуба Коласа па праспекце Незалежнасці. Улады не далі дазвол на шэсце. Для яго патэнцыйных удзельнікаў сённяшні збор на плошчы Якуба Коласа скончыўся жорсткім "хапуном".
