Статыстыка раённай міліцыі: 10 фактаў "экстрэмізму" ў тыдзень і 9 — усё астатняе
Міліцыя, ілюстрацыйнае фота / МУС Беларусі
Міліцыя Астравецкага раёна за тыдзень займаецца пошукамі экстрэмізму болей, чым усімі астатнімі справамі. Гэта вынікае са статыстыкі, якую прыводзіць тг-канал раённай газеты "Астравецкая праўда".
Згодна з ім, з 10 па 16 чэрвеня ў міліцыі зарэгістравана:
— 2️ дробныя дарожна-транспартныя здарэнні без пацярпелых;
— 3 сямейна-бытавыя скандалы;
— 1 крадзеж мабільнага тэлефона;
— 2 факты вырастання алейнага маку;
— 1 спроба суіцыду праз павешанне;
— 10 фактаў падпіскі жыхароў раёна на экстрэмісцкія інтэрнэт-рэсурсы.
Нескладана падлічыць, што на 10 выпадкаў "экстрэмізму" прыпадае 9 выпадкаў усіх астатніх інцыдэнтаў.
