Таццяна Караткевіч хоча ўдзельнічаць у прэзідэнцкіх выбарах 2020 года (відэа)
Таццяна Караткевіч намераная ўдзельнічаць у прэзідэнцкіх выбарах 2020 года і парламенцкіх выбарах 2016 года. Пра гэта яна заявіла ў інтэрв'ю агенцтву БелаПАН 14 кастрычніка.
Караткевіч: "Учора атрымала ліст ад выбаршчыка, які піша:" Таццяна, мы ўсім пад'ездам галасавалі за вас. Таму вы павінны заставацца ў палітыцы, дамагацца тых пераменаў, якія вы агучылі, і ніколі не здавацца". Для мяне гэта самая лепшая рэакцыя, таму што ўдалося мабілізаваць людзей на актыўнасць, зрабіць палітыку даступнай, цікавай і зразумелай. Засталося толькі прыцягнуць на свой бок большасць".
