Tinder сыходзіць з Расіі
Сыход з РФ замежнага бізнесу працягваецца / Reuters
Tinder сыходзіць з Расіі. Пра гэта заявілі ў кампаніі Match Group, якой належыць мабільная праграма для знаёмстваў: "Мы адданыя абароне правоў чалавека. Нашы брэнды робяць крокі па абмежаванні доступу да сваіх паслуг у Расіі і завершаць сыход з расійскага рынку да 30 чэрвеня 2023 года".
Выканаўчы дырэктар кампаніі Friends Fiduciary Corp (акцыянер Match Group), заявіў Reuters, што ў кампаніі былі важкія прычыны, каб пакінуць РФ: "Для надзейнага брэнда нядобра працягваць сваю дзейнасць у краіне, кіраўнік якой абвінавачаны Міжнародным крымінальным судом".
Пра магчымы сыход кампаніі з Беларусі нічога не паведамляецца.
З 24 лютага 2022-га з РФ цалкам сышлі толькі 20% заходніх кампаній.
