У аўторак па поўдні Беларусі будзе да +22

У аўторак, 22 кастрычніка, у Беларусі чакаецца пераменная воблачнасць, паведамляе Белгідрамет. 

Будзе пераважна без ападкаў. Уначы і зранку на большай частцы тэрыторыі прагназуецца туман. Вецер будзе слабы: уначы няўстойлівы, удзень паўднёва-заходні. 

Уначы прагназуецца 5-11 вышэй за нуль. Удзень чакаецца ад +14 па поўначы да +22 па поўдні краіны. 

Цёплае надвор'е захаваецца прынамсі да сярэдзіны тыдня. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.