У "Барселоны" новы галоўны трэнер

61-гадовы іспанец Кіке Сецьен стаў галоўным трэнерам футбольнай "Барселоны". З ім падпісаны кантракт, разлічаны да чэрвеня 2022 года. З былым трэнерам Эрнестам Вальвердэ супрацоўніцтва скасавалі па пагадненні бакоў. Дагэтуль Сецьен працаваў са сціплым "Бецісам", які ў мінулым сезоне дайшоў да паўфінала Кубка Іспаніі.

"Барса" нядаўна прайграла барацьбу за Суперкубак Іспаніі, які выйграў "Рэал". А ў чэмпіянаце Іспаніі гэтыя каманды дзеляць лідарства.

"Барселона" — самы прыбытковы футбольны клуб Еўропы. У мінулым сезоне ён зарабіў больш за 840 мільёнаў еўра. У мадрыдскага "Рэала" толькі 757 мільёнаў еўра, інфармуе "Бі-Бі-Сі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.