У Барысаве за адну ноч зламыснікі прабілі колы на 25 машынах
У Барысаве за адну ноч невядомыя зламыснікі прабілі колы на сама меней 25 машынаў, піша ex-press.by. Гэта здарылася ў ноч на суботу на вуліцах Чапаева і Батурына. Адзін з пацярпелых распавёў журналістам, што нядаўна набыў машыну і яшчэ не паспеў яе перааформіць. Яму патэлефанавала былая ўладальніца аўто і паведаміла, што колы прабітыя і трэба напісаць заяву ў міліцыю.
Нанесеную шкоду пацярпелы ацэньвае ў 150 рублёў.
Цяпер супрацоўнікі Следчага камітэта расследуюць гэты выпадак і вывучаюць запісы з камер відэаназірання, каб высветліць, хто мог прабіць колы ў такой колькасці машын.
