У Беларусі аднавілася праца банкаўскіх картак
Збой у працы абсталявання ў Банкаўскім працэсінгавым цэнтры выпраўлены. Як паведамляецца на сайце прадпрыемства, з 11:05 усё працуе ў штатным рэжыме.
Мінскі метрапалітэн заявіў, што больш няма праблемы з аплатай праезду праз банкаўскія карткі і валідатары. Банкі таксама паведамляюць, што хібы ў працы картак ліквідаваныя.
Як распавядала Еўрарадыё, зранку 31 траўня ў Беларусі пачаліся праблемы з працай банкаўскіх картак. У Банкаўскім працэсінгавым цэнтры не змаглі назваць прычыну збою ў працы абсталявання.
