У Беларусі прызналі "экстрэмісцкімі" сацсеткі арганізацыі былых сілавікоў
У Беларусі прызналі "экстрэмісцкімі" сацсеткі арганізацыі былых сілавікоў, якія выехалі за мяжу пасля прэзідэнцкіх выбараў 2020-га. Інфармацыя пра гэта змешчана ў "Рэспубліканскім спісе экстрэмісцкіх матэрыялаў". Рашэнне прыняў 12 студзеня суд Чыгуначнага раёна Гомеля. "Экстрэмісцкімі" прызнаныя два сайты, старонкі арганізацыі ў Instagram, у Аднакласніках, а таксама YouTube-канал, лагатып і іншы "візуальны матэрыял".
Яшчэ вясной мінулага года "экстрэмісцкім" у нашай краіне прызналі тэлеграм-канал былых беларускіх сілавікоў, а восенню 2021-га іх структуру назвалі "экстрэмісцкім фармаваннем".
