У Бранскай вобласці Расіі атакаваны склад з боепрыпасамі
Па словах бранскіх чыноўнікаў, на месцы працуюць экстрэныя і аператыўныя службы / tvtomsk.ru
Над тэрыторыяй Бранскай вобласці Расіі мінулай ноччу было "перахоплена і знішчана 24 беспілотныя лятальныя апараты", піша ў сацсетках губернатар рэгіёну Аляксандр Багамаз. Паводле яго слоў, разбурэнняў і пацярпелых няма, але пры гэтым "экстраныя і аператыўныя службы працуюць на месцах". А мясцовыя тэлегрма-каналы публікуюць відэа, на якім бачны пажар і чуваць выбухі. Паведамляецца, што быў атакаваны 67-ы арсенал УС РФ у раёне горада Карачаў.
Рэсурс "Флагшток" нагадвае, што Бранская вобласць Расіі мяжуе з Гомельскай вобласцю Беларусі, па тэрыторыі гэтага расійскага рэгіёну ідуць у тым ліку беларускія пасажырскія цягнікі. "У суседняй Бранскай вобласці рвуцца снарады пад Бранскам — могуць адмяніць цягнік Гомель-Адлер", — зазначае гомельскі рэсурс.
