У Брэсце нацыянальных герояў прыстасавалі для рэкламы мэблі (фота)
У мазаічнае пано з выявамі Скарыны, Купалы, Коласа, касманаўта Клімука ўманціравалі шчыт фірмы.
Манументальнае пано займае ўвесь чатырохпавярховы фасад аднаго з будынкаў Брэсцкага электрамеханічнага завода. Будынак здадзены ў арэнду гандлярам.
Рэкламу мэблевай фабрыкі змясцілі паміж галоўнай часткай пано і ніжняй плітой з элементамі арнаменту і стылізацыяй пад гадзіннік. Новы элемент цалкам закрыў вокны другога паверха, змяніўшы дызайн манументальнага панно.
Акрамя пералічаных герояў беларускай гісторыі на пано можна пазнаць таксама Францішка Багушэвіча, Цётку і Максіма Багдановіча.
