У Брэсце пад коламі "Фольксвагена" загінуў пешаход
У Брэсце пад коламі аўтамабіля "Фольксваген Пасат" загінуў пешаход. Трагічнае здарэнне адбылося ўвечары 26 жніўня. Як інфармуе прэс-служба ДАІ Брэсцкай вобласці, легкавік, якім кіраваў 21-гадовы жыхар Брэста, рухаўся па Варшаўскай шашы. Ён здзейсніў наезд на мужчыну, які перасякаў праезную частку па-за пешаходным пераходам. Пацярпелы памёр на месцы.
У цяперашні час вызначаецца асоба загінулага мужчыны. Вядома, што за паўгадзіны да смяротнага наезду ён спрабаваў рукой спыняць машыны, знаходзячыся на абочыне, аднак ніхто не спыняўся.
