У цэнтры Гомеля ў рацэ знайшлі авіябомбу
12 верасня ў рацэ Сож у цэнтры Гомеля вадалазы знайшлі авіяцыйную бомбу часоў Дрцгой сусветнай вайны. Пра гэта інфармуе БЕЛТА са спасылкай на вядучага спецыяліста Гомельскай абласной арганізацыі рэспубліканскага дзяржаўна-грамадскага аб'яднання "Беларускае рэспубліканскае таварыства выратавання на водах" Сяргея Касцючэнку.
Паведамляецца, што бомбу знайшоў вадалаз манеўрана-пошукавай групы падчас вучэбна-трэніровачнага спуску. Небяспечную знаходку выявілі ў раёне цэнтральнага пляжа, недалёка ад Білецкага спуску. Месца небяспечнай знаходкі спецыялісты пазначылі буямі.
Тэрыторыю ракі ўзялі пад ахову супрацоўнікі УУС гарвыканкама. Інфармацыю пра знойдзеную бомбу перадалі сапёрам.
