У еўразоне ў чарговы раз пабіты рэкорд па беспрацоўі
У верасні ён дасягнуў адзнакі 12,2%.
Паводле дадзеных Еўрастата, агулам у 17 краінах еўразоны налічваецца 19,5 мільёнаў беспрацоўных. За апошні месяц іх стала больш на 60 тысяч чалавек.
ВВС адзначае, што папярэднія звесткі Еўрастата па інфляцыі паказваюць, што ў кастрычніку яна знізілася да 0,7% у гадавым вылічэнні — упершыню з лютага 2010 года ўзровень інфляцыі ў еўразоне стаў ніжэйшы за 1%.
