У Гомелі мужчына спрабаваў зарэзаць жанчыну, яе шпіталізавалі
У Гомелі мужчына спрабаваў зарэзаць жанчыну. Сварка паміж імі адбылася пасля сумеснага распіцця алкагольных напояў.
Як інфармуе прэс-служба МУС Беларусі, здарэнне адбылося а 19-й гадзіне 8 лістапада ў кватэры 31-гадовага мужчыны. Гаспадар спрабаваў забіць нажом 44-гадовую жанчыну. Яна атрымала пранікальнае раненне шыі і была змешчаная ў бальніцу. Пра пацярпелую вядома, што яна нідзе не працуе. Зламысніка затрымалі праваахоўнікі.
