У Гомелі жанчына выпала з акна 9-га паверха і загінула
У Гомелі жанчына выпала з акна 9-га паверха і загінула. Трагічнае здарэнне адбылося пасля 19-й гадзіны ў сераду, 24 траўня. Як паведаміў БЕЛТА афіцыйны прадстаўнік УУС Гомельскага аблвыканкама Юрый Пількевіч, загінулая 1978 года нараджэння. Вядома, што яна злоўжывала спіртнымі напоямі. Больш таго, праваахоўнікі неаднойчы заўважалі яе ў стане наркатычнага ап’янення. Кватэра, з акна якой выпала жанчына, мае кепскую рэпутацыю — там рэгулярна збіраліся асацыяльныя асобы.
Супрацоўнікі праваахоўных органаў апытваюць магчымых сведкаў трагедыі, прызначаныя экспертызы.
