У Гродне аўтобус сутыкнуўся са слупом, пацярпелі двое пасажыраў
У Гродне маршрутны аўтобус з’ехаў з праезнай часткі Сацыялістычнай вуліцы і сутыкнуўся са слупом, пацярпелі двое пасажыраў. Як інфармуе прэс-служба ДАІ Гродзенскай вобласці, здарэнне адбылося каля 7-й гадзіны раніцы 8 лістапада. Падчас удару 60-гадовы мужчына і 51-гадовая жанчына ўпалі ў салоне і атрымалі траўмы. Аўтобус атрымаў сур’ёзныя пашкоджанні
Супрацоўнікі ДАІ перакрылі частку вуліцы на час, пакуль аператыўна адбывалася замена слупа, які падтрымлівае кантактныя лініі тралейбусаў. Па факце ДТЗ праводзіцца праверка.
