У Гродне мужчына зачапіўся за трос паміж аўтамабілямі і зламаў нагу

У Гродне мужчына зачапіўся за нацягнуты паміж аўтамабілямі трос і зламаў нагу. Як інфармуе прэс-служба ДАІ Гродзенскай вобласці, здарэнне адбылося 1 кастрычніка на вуліцы Дубко. Кіроўца "Фольксвагена" на гнуткай счэпцы буксіраваў "Хюндай" і не прапусціў пешаходаў, якія рухаліся справа на зялёнае святло. На той жа сігнал паварочвалі налева і машыны, але "Фольксваген" адразу за пешаходным пераходам заглух і спыніўся. За трос зачапіўся не толькі мужчына, але і яго жонка, але яна не ўпала.

Кіроўца "Фольксвагена" сцвярджае, што не бачыў, за што зачапіўся пешаход і як ён падаў. Паводле слоў мужчыны, ён быў на працы, калі да яго прыехаў знаёмы, папрасіў адбуксіраваць легкавік у майстэрню.