У Кіеве аўтамабілісты заблакавалі базу "Беркута" (відэа)
Дзясяткі аўтамабілістаў пачалі пікетаваць базу "Беркута" на Чырвоназорным праспекце ўкраінскай сталіцы.
Пра гэта паведамляе УНІАН са спасылкай на сацыяльныя сеткі. На зробленым з месца падзеяў відэароліку відаць, як дзясяткі аўто разам з грамадскім транспартам блакуюць "гняздо" "Беркута". Яны ўвесь час сігналяць пад іх базай. І на відэа нават відаць, як "беркутаўцы" пачынаюць уцякаць з вуліцы на сваю базу.
У той жа час у Васількаве актывісты заблакавалі аўтобусы з "Беркутам", якія збіраюцца на Кіеў. Чаргі на выезд у сталіцу чакаюць каля паўтары тысячы беркутаўцаў, паведамілі відавочцы. На іх шляху ля брамы вайсковай вучэльні ў Васількаве стаяць мясцовыя жыхары. Яны ствараюць жывы ланцуг, каб не выпусціць аўтобусы. Усе аўтобусы, якія маюць крымскія нумары і таблічкі з надпісам "МУС", прыбылі ў вайсковую вучэльню раніцай у сераду.
