У Літве ў аўтобусе Варшава — Гродна памёр беларус
Прычына смерці пасажыра невядомая / Ілюстрацыйнае фота Delfi
У Літве ў рэйсавым аўтобусе Варшава — Беласток — Гродна памёр 53-гадовы беларус. Трагічны выпадак адбыўся ў ноч з 25 на 26 лютага на памежным пункце "Друскенікі". Як паведамляе tv3.lt, пасажыру стала кепска падчас паездкі. Яго спрабавалі ратаваць пасажыры, а пасля літоўскія медыкі, але няўдала.
Знешніх пашкоджанняў на целе мужчыны не было. Праводзіцца расследаванне, падчас якога збіраюцца высветліць прычыны яго смерці.
Рэйсавы аўтобус паехаў далей у Беларусь.
