У Мінску на веладарожцы знайшлі перакулены каршэрынгавы аўтамабіль
У Мінску на веладарожцы каля Лошыцкага парку знайшлі перакулены каршэрынгавы аўтамабіль. Як інфармуе прэс-служба МУС, здарэнне адбылося ў ноч на 30 кастрычніка. Выпадковыя мінакі пабачылі машыну і патэлефанавалі ў міліцыю. 19-гадовага кіроўцу знайшлі пазней, паколькі ён не стаў чакаць супрацоўнікаў ДАІ і пакінуў месца ДТЗ.
Малады чалавек патлумачыў ДАІшнікам, што рухаўся на аўтамабілі ўздоўж парку і, калі пабачыў наперадзе веладарожку, выкарыстаў экстраннае тармажэнне. Аднак легкавік наехаў на бардзюрны камень і перакуліўся.
У дачыненні кіроўцы склалі два пратаколы аб адміністрацыйным правапарушэнні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.