У Мінску затрымалі графіцістаў, якія малявалі партрэт Васіля Быкава
Чатырох графіцістаў, якія ў двары на плошчы Перамогі пачалі маляваць партрэт Быкава на трансфарматарнай будцы, пасадзілі ў аўтазак.
Пра гэта паведамляе Радыё "Свабода" са спасылкай на відавочцу падзеі. Па яго словах, спярша прыехалі два міліцыянты, потым пад’ехалі яшчэ міліцэйскія машыны. Нейкі час графіцісты спрабавалі нешта высветліць з міліцыяй на месцы, а потым усіх пагрузілі ў аўтазак.
Адзін з прадстаўнікоў супольнасці Signal паведаміў Радыё "Свабода", што трох мастакоў завезлі ў Партызанскі РУУС, а пазней — у суд.
Уначы вулічныя мастакі з стрыт-арт-супольнасці Signal зрабілі накіды будучай працы і апублікавалі першыя фатаздымкі. Да 90-годдзя пісьменніка яны вырашылі зрабіць яго партрэт у цэнтры горада.
Фота — svaboda.org
