У пятніцу ў Беларусі будзе да +28
Травень, ілюстрацыйнае фота / pixabay.com
У пятніцу, 24 траўня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў, толькі ўдзень па захадзе краіны пройдуць кароткачасовыя дажджы, месцамі прагрымяць навальніцы. Вецер будзе паўднёва-ўсходні, усходні ўмераны. Удзень па захадзе Беларусі чакаецца парывісты вечер, месцамі пры навальніцах — моцны парывісты, да 15-18 метраў за секунду.
Тэрмометры ўначы пакажуць 10-16 вышэй за нуль. Удзень паветра прагрэецца да +22...+28.
