У Расіі на волю выйшаў мужчына, затрыманы за антываенны малюнак дачкі

У Расіі з калоніі вызваліўся Аляксей Маскалёў — бацька дзяўчынкі з Тульскай вобласці, якая намалявала антываенны малюнак. Менавіта гэты малюнак прыцягнуў увагу да сям'і Маскалёвых. Дзяўчынку са школы тады адвезлі ў паліцыю, а дома правялі ператрус.

Вясной 2023 года Маскалёва арыштавалі, дзяўчынку спачатку адправілі ў цэнтр рэабілітацыі, а затым перадалі маці. Апошнія гады дзіця жыло толькі з бацькам. Справу супраць Маскалёва ў выніку завялі за пасты ў сацсетках, прысвечаныя трагедыі ў Бучы. Суд прысудзіў яму 2 гады калоніі. Але на абвяшчэнне прысуду мужчына не прыйшоў, уцёк з-пад хатняга арышту. Яго затрымалі ў Мінску і экстрадавалі ў Расію. Свайму адвакату Маскалёў расказваў, што пры затрыманні ў Беларусі яго моцна збілі. У прыватнасці, яго некалькі разоў ударылі па галаве, у тым ліку білі галавой аб сцяну.

Марыя Маскалёва сустракала бацьку на выхадзе з калоніі.