У сераду на большай частцы Беларусі чакаюцца дажджы
17 ліпеня ў Беларусі будзе пераважна хмарнае надвор'е, інфармуе Белгідрамет.
На большай частцы тэрыторыі пройдуць дажджы, у асобных раёнах прагрымяць навальніцы. Уначы і зранку месцамі чакаецца слабы туман. Вецер будзе пераменных напрамкаў умераны, пры навальніцах — парывісты.
Тэмпература паветра ўначы прагназуецца ад 8 да 14 са знакам "плюс", удзень будзе 16-22 цяпла.
