У Шчучынскім раёне затрымалі пробашча мясцовага касцёла
Касцёл у Першамайску / planetabelarus.by
Сілавікі затрымалі Антонія Адамовіча, пробашча касцёла Узвышэння Святога Крыжа ў Першамайску — гэта аграгарадок у Шчучынскім раёне Гродзенскай вобласці. Затрыманне адбылося ў нядзелю, піша канал "Хрысціянская візія". Прычым сілавікі спрабавалі забраць ксяндза з касцёла, але там яго адстаялі людзі.
У пачатку мінулага тыдня Антонія Адамовіча выклікалі ў сельсавет, дзе яго дапыталі і забралі на праверку тэлефон. Дадамо, што ксёндз Адамовіч — родам з Гродзенскай вобласці. Скончыў мясцовую духоўную семінарыю. Сан святара прыняў у лістападзе 2009 года.
Антоні Адамовіч / @christianvision
