У Швецыі зафіксаваны першы выпадак воспы малпаў за межамі Афрыкі
Хворы заразіўся падчас паездкі ў Афрыку (ілюстрацыйнае фота) / Reuters
У Швецыі зафіксаваны першы выпадак воспы малпаў за межамі Афрыкі з пачатку новай успышкі эпідэміі ў канцы 2023 года. Хворы заразіўся падчас паездкі ў Афрыку. Арганізаваны яго пільны догляд, выконваюцца ўсе меры засцярогі, паведамляе Бі-бі-сі.
Напярэдадні Сусветная арганізацыя аховы здароўя абвясціла надзвычайную сітуацыю міжнароднага значэння.
З пачатку 2024 года ў 13 афрыканскіх краінах было зарэгістравана каля 17 тысяч выпадкаў падазрэння на заражэнне воспай малпаў і 517 смяротных зыходаў. Гэта ў 2,5 разу больш, чым за аналагічны перыяд мінулага года.
