У Слоніме студэнт у навушніках трапіў пад цягнік Гродна — Санкт-Пецярбург
У Слоніме студэнт у навушніках трапіў пад цягнік Гродна — Санкт-Пецярбург. Здарэнне адбылося каля 21-й гадзіны 31 ліпеня. 19-гадовы хлопец пераходзіў чыгунку і не заўважыў, што да яго набліжаецца цягнік. Малады чалавек змешчаны ў рэанімацыю мясцовай бальніцы, інфармуе газета “Слонімскі веснік”.
“Газета Слонімская” дадае, што малады чалавек знаходзіцца ў цяжкім стане, у яго чэрапна-мазгавая траўма. Пацярпелы — студэнт Мінскага дзяржаўнага лінгвістычнага ўніверсітэта. Праваахоўнікі праводзяць праверку, высвятляюць усе абставіны здарэння, паведамляе БЕЛТА.
