У суботу ўдзень у Беларусі чакаецца 9-17 цяпла

16 траўня ў Беларусі месцамі, пераважна на поўначы, пройдуць кароткачасовыя дажджы, удзень у шэрагу раёнаў магчымыя навальніцы. Вецер будзе паўночна-заходні, 4-9 метраў за секунду, з парывамі да 14-18 метраў.

Тэмпература паветра ў начныя гадзіны складзе 1-7 градусаў вышэй за нуль (у Брэсцкай вобласці ў многіх раёнах на глебе і месцамі ў паветры прагназуюцца замаразкі да нуля — мінус 3 градусаў), у дзённыя — 9-15 цяпла, на Брэстчыне — да 17, інфармуе БЕЛТА.