У Жлобіне з дапамогай відэакамер злавілі "мастака", які размалёўваў прыпынкі
Хлопец адмыў і зафарбаваў усе сапсаваныя прыпынкі / ndsmi.by
У Жлобіне з дапамогай відэакамер злавілі "мастака", які размалёўваў прыпынкі грамадскага транспарту. Ім аказаўся непаўналетні навучэнец аднаго з каледжаў раёна. Яго графіці штодня прыбіралі камунальнікі. Пасля гэтым стаў займацца сам хлопец. Ён ужо адмыў і зафарбаваў усе сапсаваныя прыпынкі.
Справу нядаўна разглядала камісія па справах непаўналетніх Жлобінскага райвыканкама. На пасяджэнні было заяўлена, што юнак "атрымаў добры ўрок". У сваім учынку перад камісіяй ён раскаяўся. Колькі яго ўчынак каштаваў бацькам, раённая газета не ўдакладняе. Адзначаецца толькі, што "афармленне аднаго брэндаванага прыпынку каштуе паўтары тысячы рублёў".
