Украінскі ўрад прызначыў бацькам Жызнеўскага пажыццёвую стыпендыю
Кабінет міністраў Украіны прызначыў пажыццёвую стыпендыю бацькам героя Нябеснай сотні Міхаіла Жызнеўскага. Адпаведнае рашэнне ўрад прыняў на пасяджэнні ў сераду, 24 лютага, перадае "Украінская праўда".
Па словах міністр сацыяльнай палітыкі Паўла Разенкі, стыпендыя прызначаецца для выканання ўказа прэзідэнта Украіны Пятра Парашэнкі.
"Памер пажыццёвай стыпендыі бацькам героя — Міхаілу Пятровічу і Ніне Васільеўне, якія пражываюць у Рэспубліцы Беларусь, складзе 3 тысячы 250 грыўняў кожнаму", — паведаміў чыноўнік.
Стыпендыю будуць пераводзіць поштай па месцы фактычнага пражывання бацькоў Жызнеўскага.
