Украінскія ультрас становяцца на бок Майдану
Салідарнасць з пратэстоўцамі выказалі фанаты палтаўскага ФК “Ворскла”.
Як гаворыцца ў адкрытым лісце, размешчаным на сайце заўзятараў клуба, “мы асуджаем цяперашнюю ўладу”, якая сваімі дзеяннямі і сваёй нядбайнасцю і цынічным стаўленнем да сваіх грамадзян давяла краіну да сённяшняга супрацьстаяння”.
Ультрас выказваюць спачуванні родным і блізкім загінулых актывістаў Еўрамайдану і заклікаюць жыхароў Палтавы выказаць сваю грамадзянскую пазіцыю на вуліцах, інфармуе УНІАН.
Раней Майдан падтрымалі фанаты кіеўскага “Дынама”, “Дняпра”, “Металіста” і “Шахцёра”.
