Уначы на 1 лістапада чакаецца мокры снег і да -9

1 лістапада ў Беларусі чакаецца воблачнае з праясненнямі надвор'е, перадае Белгідрамет. 

Уначы і зранку на большай частцы тэрыторыі пройдуць кароткачасовыя ападкі ў выглядзе мокрага снегу і дажджу. Месцамі будзе туман, слабы галалёд, на асобных участках дарог галалёдзіца. Удзень кароткачасовыя ападкі прагназуюцца пераважна па ўсходзе краіны, у асноўным гэту будзе дождж. Вецер чакаецца заходні, паўднёва-заходні ўмераны. 

Уначы тэмпература паветра будзе -1...-7, па ўсходзе пры праясненнях — да 8-9 марозу, па захадзе краіны — ад нуля да 2 цяпла. Удзень сіноптыкі прагназуюць 2-8 вышэй за нуль.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.