"Усё дарэмна". Беларусы — пра адмену віз Poland. Business Harbour
"ПБХ" больш не будзе / "Зеркало"
Польшча вырашыла прыпыніць выдачу віз Poland. Business Harbour для айцішнікаў, таксама вядомую як "ПБХ". Гэтае рашэнне польскіх уладаў выклікала бурную рэакцыю ў сацыяльных сетках. Вось што пішуць беларусы.
"У мяне апеляцыя на наст. тыдні мусіла быць. Два пераезды, пошукі спосабаў — усё дарэмна. Адна адмова вырашыла ўсё", — напісаў адзін карыстальнік і дадаў эмацыйнае "перадаю прывітанне вырадкам, якія выкарыстоўвалі гэтую візу як турыстычную".
Тэма выкарыстання віз "ПБХ" як турыстычных таксама актыўна абмяркоўваецца — як і імавернасць таго, што гэта стала адной з прычын адмены праграмы. Некаторыя абараняюць такую магчымасць: маўляў, турыстычны шэнген ужо не атрымаеш. Але многія адзначаюць, што віза створаная менавіта для рэлакацыі.
