Верамейчыка вывезлі ў Беларусь на самалётах "Аэрафлота" і "Белавія"
Верамейчыка везлі на самалётах "Аэрафлота" і "Белавія" / motolko.help
Тэлеграм-канал МотолькоПомоги выявіў, што экс-байца палка Каліноўскага Васіля Верамейчыка вывозілі ў Беларусь з В'етнама з перасадкай у Маскве. З Хашыміна ў Маскву на борце "Аэрафлота", а далей з Масквы ў Мінск на EW-527РА "Белавіі".
Відэа з Васілём, якое паказалі прапагандысты, знялі ў ноч з 14 на 15 лістапада. Аднак у роліку перафарбавалі ўнутраныя і вонкавыя часткі самалёта "Белавія", заблюрылі фрагменты і схавалі ўвесь брэндынг.
Самалёт быў у распараджэнні сілавікоў усю ноч і толькі а 9-й раніцы 15 лістапада паляцеў далей.
