Віцэ-прэм'ерам, адказным за сельскую гаспадарку, стаў Леанід Заяц
Аляксандр Лукашэнка прызначыў Леаніда Зайца віцэ-прэм'ерам, адказным за сельскую гаспадарку.
Тры гады таму, у сакавіку 2019-га, Лукашэнка абураўся "абасранымі каровамі" ў аграхолдынгу "Купалаўскае" на Шклоўшчыне. Ён пагражаў Зайцу кайданкамі, але ўрэшце проста зняў яго з пасады міністра сельскай гаспадаркі і прызначыў кіраўніком Магілёўскай вобласці.
Напрыканцы 2021-га Заяц быў прызначаны ў Савет Рэспублікі. Там ён стаў намеснікам старшыні.
Ва ўрад ён прыходзіць на месца Аляксандра Субоціна, які ў снежні 2021 года быў прызначаны старшынёй Віцебскага аблвыканкама.
