Віноўнік ДТЗ спрабаваў даць хабар супрацоўнікам ДАІ ў Гомелі

Вінаваўца ДТЗ у Гомелі паспрабаваў даць хабар супрацоўнікам ДАІ. Пра падрабязнасці здарэння агенцтву БЕЛТА распавяла старшы інспектар аддзялення агітацыі і прапаганды УДАІ УУС Гомельскага аблвыканкама Ганна Кавалёва.

Здарэнне адбылося 3 снежня. У аператыўна-дзяжурную службу ДАІ паступіла паведамленне пра ДТЗ. Вінаваўцам аварыі быў 39-гадовы кіроўца "Опеля".

Супрацоўнікі ДАІ засумняваліся ў фізічным стане мужчыны і даставілі яго на агляд у абласны наркалагічны дыспансер. Пакуль чакалі вынікаў медагляду, мужчына прапанаваў супрацоўнікам міліцыі хабар за спрыяльнае для сябе вырашэнне пытання. "Інспектар папярэдзіў мужчыну пра крымінальную адказнасць, аднак кіроўца паклаў грошы ў бардачок службовага аўтамабіля", — зазначыла Ганна Кавалёва.

Даішнікі выклікалі следча-аператыўную групу. У выніку на кіроўцу склалі не толькі адміністратыўныя пратаколы, але і пачалі крымінальную справу.

Мужчына змешчаны ў ізалятар часовага ўтрымання.